Əlverişli investisiya mühiti

• İnvestisiya fəaliyyəti sahəsində zəngin hüquqi baza ("İnvestisiya fəaliyyəti haqqında", "Xarici investisiyaların qorunması haqqında","Sahibkarlıq sahəsində aparılan yoxlamaların dayandırılması haqqında" Azərbaycan Respublikasının qanunları və s.)
• Ölkə iqtisadiyyatına yatırılmış 263 milyard ABŞ dolları məbləğində investisiya (o cümlədən: 133,7 milyard ABŞ dolları xarici investisiya; 129,3 milyard ABŞ  dolları daxili investisiya;)
• “Sərmayələrin təşviqi və qarşılıqlı qorunması” haqqında 49 ölkə ilə beynəlxalq  saziş.

Ətraflı məlumat üçün bura daxil olun.  

İqtisadiyyatın şaxələndirilməsi məqsədilə Azərbaycan fəal şəkildə uzunmüddətli birbaşa xarici investisiyaların genişmiqyaslı infrastruktur layihələrinə cəlb edilməsinə çalışır. Bu baxımdan Aİ və Dünya Bankı tərəfindən hazırlanmış Trans-Avropa Nəqliyyat Şəbəkəsinin (TEN-T) İnvestisiya Fəaliyyət Planını qeyd etmək olar. Demək olar ki, 13 milyard avro dəyərində qiymətləndirilən investisiya planına yeni və mövcud yolların, dəmir yollarının, dəniz və hava limanlarının,eləcə də loqistika mərkəzlərinin və sərhəd keçid məntəqələrinin tikintisi və bərpası layihələri daxildir. Layihə nəqliyyat sektoru ilə bağlı əsas islahatların irəli sürülməsi və regional yol təhlükəsizliyinin yaxşılaşdırılması məqsədi daşıyır.

• İnvestisiya təşviqi sənədi ilə təqdim edilən güzəştlər - Turizm sahəsində investisiyaları təşviq etmək üçün sahibkarlara İnvestisiya Təşviq Sənədini (İTS) əldə etmək təklif edilir. İnvestisiya Təşviq Sənədinin sahibləri 7 il müddətinə vergi və gömrük güzəştlərindən yararlana bilərlər.
 
• Gömrük güzəştləri - Turizm ilə bağlı investisiya layihələri dəniz səviyyəsindən 1300 metrdən hündürlükdə yerləşən dağlıq ərazilərdə həyata keçirildiyi təqdirdə idxal edilən mallar gömrük rüsumundan azad edilir. Bir şərtlə ki, layihəni icra etmək üçün mövcud ehtiyacları yerli xammal və materiallar hesabına ödəmək mümkün olmasın.

• Əcnəbi  ölkə iqtisadiyyatına azı 500.000 manat məbləğində investisiya qoyduqda bu əsasla Azərbaycanda müvəqqəti və ya daimi yaşamaq üçün icazə ala bilər;
• Yalnız ölkə iqtisadiyyatına investisiya qoyan şəxslərə 3 ilədək etibarlı müvəqqəti yaşama icazəsi verilir və hər dəfə 3 ildən çox olmayan müddətə uzadıla bilər;
• Ölkədə sahibkarlıq fəaliyyəti ilə məşğul olanlara iş icazəsinin alınması tələb olunmur. 

Ətraflı məlumat üçün bura daxil olun.