Ölkə qanunvericiliyində özəl sektora və sahibkarlığa dəstə­yin göstərilməsi məqsədilə stimullaşdırıcı tədbirlər və güzəştlər nəzərdə tu­tulmuşdur. Əsas məqsəd vergi ödəyicilərinin qanunlara riayət etməsinin təmin edilməsi və “kölgə iqtisadiyyatı”nın miqyasının azaldılmasıdır.

Ətraflı məlumat üçün bura daxil olun.

Yerli dövlət qurumları və beynəlxalq təşkilatlarla əməkdaşlıq çərçivəsində həyata keçirilən islahatlar əsasən məşğulluq üzrə elektron xidmətlərin, eləcə də Əmək və Əhalinin Sosial Müdafiəsi Nazirliyi tərəfindən “bir pəncərə” sistemi vasitəsilə sadələşdirilmiş və qeyri-məhdud şəkildə göstərilən xidmətlərin genişləndirilməsinə, sistemin potensialının, şəffaflığının və səmərəliliyinin artırılmasına yönəldilmişdir.

Əmək bazarında islahatların aparılması, sosial sistemin yaxşılaşdırılması və pensiyaların artırılması is­tiqamətində geniş spektrli iş aparılır. Sosial xidmətlərin əlçatanlığını sadələşdirən və şəffaflığı artıran e-sosial portalının yaradılması, eləcə də DOST (Dayanıqlı və Operativ Sosial Təminat Agentliyi) layihəsinin hüquqi və institu­sional işlərinin gözləniləndən daha tez tamamlanması yüksək qiymətləndirilir. Bir pəncərə sisteminin tətbiq olunduğu agentlik Prezidentin 9 avqust 2018-ci il tarixli fərmanına əsasən yaradılmışdır və 2019-cu ilin may ayında Bakıda inzibati binanın açılışı baş tut­muşdur. 2025-ci ilədək DOST mərkəzlərinin region­larda da istifadəyə verilməsi gözlənilir.

Yerli dövlət qurumları və beynəlxalq təşkilatlarla əməkdaşlıq çərçivəsində həyata keçirilən islahatlar əsasən məşğulluq üzrə elektron xidmətlərin, eləcə də Əmək və Əhalinin Sosial Müdafiəsi Nazirliyi tərəfindən “bir pəncərə” sistemi vasitəsilə sadələşdirilmiş və qeyri-məhdud şəkildə göstərilən xidmətlərin genişləndirilməsinə, sistemin potensialının, şəffaflığının və səmərəliliyinin artırılmasına yönəldilmişdir.

Əmək bazarında islahatların aparılması, sosial sistemin yaxşılaşdırılması və pensiyaların artırılması is­tiqamətində geniş spektrli iş aparılır. Sosial xidmətlərin əlçatanlığını sadələşdirən və şəffaflığı artıran e-sosial portalının yaradılması, eləcə də DOST (Dayanıqlı və Operativ Sosial Təminat Agentliyi) layihəsinin hüquqi və institu­sional işlərinin gözləniləndən daha tez tamamlanması yüksək qiymətləndirilir. Bir pəncərə sisteminin tətbiq olunduğu agentlik Prezidentin 9 avqust 2018-ci il tarixli fərmanına əsasən yaradılmışdır və 2019-cu ilin may ayında Bakıda inzibati binanın açılışı baş tut­muşdur. 2025-ci ilədək DOST mərkəzlərinin region­larda da istifadəyə verilməsi gözlənilir.

“ASAN xidmət” mərkəzləri 13 iyul 2012-ci il tarixdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılmışdır. “ASAN xidmət”in yaradılmasında məqsəd vətəndaş məmnunluğunun təmin edilməsində yeni yanaşmanın formalaşdırılmasıdır.

"ASAN xidmət" mərkəzi “bir pəncərə” formatına uyğun müxtəlif dövlət orqanlarının nümayəndələrinin birgə xidmət göstərdiyi vahid məkandır. Bu format vətəndaşlarımızın fərdi xərclərinin azalmasına, zaman itkisinin aradan qaldırılmasına, şəffaflığın və onların şəxsi rahatlığının təmin edilməsinə imkan verir. Mərkəzlərdə 12 dövlət orqanı, həmçinin özəl şirkət və müəssisələr tərəfindən ümumilikdə 320-dən çox müxtəlif xidmət göstərilir.

Hazırda 15 “ASAN xidmət” mərkəzi fəaliyyət göstərir. Onlardan 5-i paytaxt Bakı şəhərində olmaqla, digərləri Sumqayıt, Gəncə, Sabirabad, Bərdə, Qəbələ, Masallı, Quba, Mingəçevir, İmişli və Şəkidədir. "ASAN xidmət" mərkəzləri həftənin bazar ertəsi - cümə günləri saat 09:00-dan 19:00-dək, şənbə və bazar günləri saat 09:00-dan 17:00-dək nahar fasiləsi olmadan fəaliyyət göstərir.

Ətraflı məlumat üçün bura daxil olun.

Xarici investisiyaların ənənəvi olaraq dominant rol oynayan neft və qaz sənayesindən qeyri-neft sektoruna yönəldilməsi məqsədilə hökumət indiyədək yolların və dəmiryol şəbəkələrinin, dəniz limanlarının və elektrik enerjisi stansiyalarının bərpası və müasirləşdirilməsinə sərmayələr yatırıb. Sərmayələrin əksəriyyəti Azərbaycanı cəlbedici tranzit və ticarət mərkəzinə çevirmək məqsədilə ölkənin şimal-cənub və şərq-qərb nəqliyyat dəhlizləri boyu uzanan yol və dəmiryolu marşrutlarının genişləndirilməsinə yönəlib. Azərbaycan regionda ən müasir nəqliyyat sisteminə malik ölkə olaraq qalmaqdadır. Ölkədə 6 beynəlxalq hava limanı, həmçinin yenicə istifadəyə verilmiş dəniz ticarət limanı fəaliyyət göstərir.

2019-cu ildən dəmiryol nəqliyyatı, turizm, rəqəmsallaşma və kənd təsərrüfatı infrastrukturunun yenilənməsi üzrə dövlət xərclərinin artırılması planlaşdırılır. Bu tədbirlərin yeni iqtisadi impuls yaradacağı gözlənilir.

Ətraflı məlumat üçün bura daxil olun.

Ölkənin miqrasiya siyasətinin reytinqinin davamlı olaraq yaxşılaşması Azərbaycanı əcnəbilər və vətəndaşlığı olmayan şəxslər üçün cəlbedici bir məkana çevirmişdir. Miqrasiya sahəsində dövlət siyasətini zamanın nəbzinə uyğun həyata keçirən Dövlət Miqrasiya Xidməti ölkəmizə səfər edən əcnəbilərin rahatlığının təmin olunması və hüquqlarının qorunması, eyni zamanda ölkə qanunvericiliyinin tələblərinə riayət olunması istiqamətində müvafiq addımlar atır, geniş maarifləndirmə tədbirləri həyata keçirir.

İş icazələrinin alınması prosedurlarının asanlaşdırılması və şirkətlərlə dəqiq məlumat mübadiləsinin təmin edilməsi məqsədilə elektron xidmətlərin optimallaşdırılması burada fəaliyyət göstərən sahibkarlıq subyektləri tərəfindən yüksək qiymətləndirilir. Bununla yanaşı, iş icazələrinin alınması zamanı yaranan mübahisələrin operativ həlli üçün birbaşa Xidmətin rəhbərinə müraciət etmək imkanı verən Qaynar xətt yaradılmışdır. Mütəmadi olaraq biznes mühitinin iştirakçıları arasında sorğular keçirilir, biznes forumları təşkil olunur, təklifləri alınır və həyata keçirilməsi istiqamətində tədbirlər görülür. Bunlarla yanaşı, Dövlət Miqrasiya Xidməti tərəfindən bir sıra xidmətlər elektronlaşdırılmış, daha rahat müraciət üçün MigAz mobil tətbiqi yaradılmış və özəl sektorla strukturlaşdırılmış dialoq qurulmuşdur.

Ətraflı məlumat üçün bura daxil olun.